davidexordos

Координаты 142

Uploaded 29 мая 2013 г.

  • Rating

     
  • Information

     
  • Easy to follow

     
  • Scenery

     
-
-
888 m
714 m
0
1,2
2,3
4,69 km

Просмотрено 2604 раз(а), скачено 39 раз(а)

рядом с Baños, Galicia (España)

Iste roteiro parte de Cima de Vila e discurre por unha frondosa carballeira ate o castro de A Croa, dende o que ascende ao castro de Pena Maior dominando sobranceiro o Val do Limia e os cúmios da Serra do Xurés. Vexetación, patrimonio e paisaxe, mistúranse armoniosamente para ofrecer ao sendeirista un escenáreo perfecto onde desconectar e disfrutar da natureza.

Para situarnos no mundo Castrexo, teremos que imaxinar milleiros de poboados coroando os outeiros do noso país, protexidos por enormes muraias e foxos que agochan no seu interior casiñas teitadas con colmo; distribuídos pola actual Galicia, norte de Portugal e occidente asturiano, respondendo a un modelo xeoestratéxico que asentou definitivamente a poboación rural galega. Non é unha cultura uniforme e lineal rexida por unha xefatura ou organización estatal, senón que se trata dun fenómeno multicultural con abundantes sistemas políticos, divinidades, variedades lingüísticas e relacións comerciais en constante contacto con púnicos, celtas, íberos, gregos e fisterras atlánticos.

O MUNDO DOS CASTROS
Tras un longo proceso de xermolación, agroman nos séculos centrais do primeiro milenio a.n.e., multitude de pequenos castros que dominan a paisaxe galaica. A partir do século II a.n.e., artéllanse novos poboados cuxa estructuración semella planificada de antemán, son os grandes oppida ou cividades cun notable desenvolvemento urbanístico. Logo da conquista romana, castros e cividades cohexisten cos novos modelos de hábitat rural disperso e concentrado, villae e vici, ate ben avanzado o primeiro milenio.

A economía familiar baseábase no cultivo ceralístico e na horticultura; actividades que complementaban coa recoleción e almacenaxe de frutas e baias, a caza, a pesca e o pastoreo de ovicápridos, bóvidos, équidos e suídos. Outras importantes actividades castrexas serían: a produción textil, sobre todo de lá e liño; a mineiría, con predominio do ouro, estaño, bronce e ferro; a alfareiría, coa elaboración de excelentes olas decoradas; a canteiría, cun gran traballo da pedra e unha esquisitez na plástica; sen esquecernos de ferreiros, ouriveiros, curtidores, cesteiros...

Vexamos algunha pasaxe do que din as fontes clásicas dos castrexos Galaicos:
Avieno, Ora Marítima 98-102: “aquí hai un pobo de gran forza, de ánimo erguido, de eficaz habilidade, a todos lles domina a pasión polo comercio; e as súas barcas coñecen extensamente os axitados estreitos e cortan as augas do Océano cheo de monstros.
Estrabón, Geographia III, 6 e 7: “Son hábiles en emboscadas e exploracións sendo áxiles e capaces de saír de perigos... Toman as súas comidas sentados, facendo ao redor da perede bancos de pedra. A comida sérvese en xiro. Durante a bebida bailan en roda acompañados por flauta e corneta ou tamén facendo saltos e xenuflesións…”
Silio Itálico, Punica III, 350: “O descanso e o divertimento son un sacro pracer para os homes. A laboriosidade da muller fai o resto; bota a semente no rego e ara a terra co arado, estando inactivos os homes. Todo o que haxa que facer, non sendo a dura guerra, afróntao a esposa do home Galaico sen parar”
Floro, Epístome da historia de Roma II, 33, 50-51-52: “En terceiro lugar, a fortaleza de Aracelio resiste fortemente; pero, ao final, tivo lugar o acoso ao Monte Medulio, que se cercou cun foxo continuo de quince millas para conquistalo, avanzando o romano por todas as partes ao mesmo tempo. Logo de que os bárbaros visen que a fin lle chegaba, teimadamente, entre festas déronse morte con lume, espada e veleno, que alá a xente extrae dos teixos, e a meirande parte librouse da catividade,que lles parecía peor que a morte aos que ata ese momento non foran dominados”
Orosio, Historia V, 5, 12: “Mentres tanto Bruto, na Hispania Ulterior, derrotou a 60.000 galegos, que viñan para auxiliar aos Lusitanos, nunha batalla cruel e difícil, a pesar de que foron cercados por sorpresa, nesta batalla morreron 50.000, seis mil calcúlase que foron prendidos e moi poucos poideron escaparse”
Waypoint

Cima de Vila

Aldea da parroquia de Vilela e punto de partida do Roteiro Castrexo
Waypoint

Fonte

Situada no comezo do roteiro e ao pé do cruceiro de Vilela
Waypoint

Cruceiro

Waypoint

Castro de A Croa

Tras a heroica resitencia dos Galaicos á invasión romana, a Cultura Castrexa sufríu certos cambios, desenvolvéndose grandes pupuli, á vez que os romanos vertebraban o territorio cunha ampla maia de vías de comunicación que facilitaban o control do mesmo. O Castro de A Croa, do populus Quaquernorum, coa súa estratéxica posición dominando a fértil veiga do Limia, experimentou un notable crecemento urbanístico na fase Galaico-Romana, coa creación de amplos espazos habitacionais artellados por rúas pavementadas. O seu sistema defensivo é practicamente impenetrable, con doble muraia pétrea, un impresionante foxo perimetral escavado na rocha e parapetos de terra polo nacente.
Waypoint

Castro de Pena Maior

Pena Maior semella ser un castro dos inicios da Cultura Castrexa, ubicado nun prominente outeiro de doada defensa natural complementada cunha muraia simple. O seu reducido tamaño indica que puido albergar un pequeno grupo familiar coa proteción do castro como unidade suprema.
Waypoint

Penedo do Mouro

Aos castros están asociadas milleiros de lendas de Mouros e Mouras que nada ten que ver cos musulmáns, senón con seres mitolóxicos galaicos, tesouros, encantamentos...; ao Penedo do Mouro: “espetoulle unha couce un Mouro na Veiga das Maus e mandouno polo aire ate a ladeira de Pena Maior.” Entretanto, no castro de A Croa: asoállanse as Mouras ao sol e peitéanse con pentes de ouro”.

1 comment

  • Aida Robles 30.01.2018

    I have followed this trail  проверенный  View more

    Vistas impresionantes. El único inconveniente es que la primera parte de la ruta está tomada por la vegetación, principalmente toxos y silvas; lo que hace muy complicado seguir el sendero.

You can or this trail