De Pedras Negras a Punta Moreiras. O Grove

Unha ruta liñal non sinaliazada, ben doada de seguir porque conta con numerosos recursos en Wikiloc, os que usamos nós para levala a cabo. Hai dous puntos indicados nos wp como marea que só se poden cruzar coa marea baixa, pero hai alternativa.
Aínda que a comezamos en Pedras Negras a miña recomendación é comezala na punta Moreiras e antes de camiñar facer a visita ao Centro de Interpretación da Pesca e a Salga, un curioso e interesante museo sobre a importancia da salga da sardiña e a explicación da do forte sector conserveiro da zona. Se cadra o mellor é a persoa que se encarga do museo, moi ameno e cheo de gañas de contar as anécdotas e a historia que rodea á pesca e conserva da sardiña.
A ruta percorre o litoral oeste da península do Grove con incontables cons e infinitas praias, (varias reservadas para acudir co can)e varios puntos de interés etnolóxico e biolóxico: paseo marítimo de Pedras Negras, batería militar de costa O Grove J1, equipada con tres canóns Vickers de 101,6 (Hoxe segue sendo de titularidade do Ministerio de Defensa, prohibido o paso), o Con Negro, a lagoa de Bodeira, a área arqueolóxica do Adro Vello... En algún tramo coincide cos PRG 115 e 116.
Pódese facer por tramos en bicicleta, noutros tramos ao ir por penedos e carreiros faise algo dura.